Абон сæ профессионалон бон бæрæг кæнынц мидхъуыддӕгты оргӕнты кусджытӕ

Абон сæ профессионалон бон бæрæг кæнынц мидхъуыддӕгты оргӕнты кусджытӕ. Сӕ службӕйы бындур – ӕрвылбоны бӕрнондзинад адӕмы ӕдасдзинад, зын сахат ӕххуысмӕ цӕттӕ уӕвын ӕмӕ хъӕддыхӕй архайын зонын. Цӕгат Ирыстоны пъӕлицӕйӕгтӕ алы бон дӕр лӕууынц барадхъахъхъӕнӕг, кæсынц республикӕйы цӕрджыты ӕнцойдзинадмæ. Сӕрмагонд арфӕйы ныхӕстӕ Сергей Меняйло загъта мидхъуыддӕгты оргӕнты ветерантӕн. Сӕ уӕхсчытыл — службӕйы азтӕ, зын уынаффӕтӕ ӕмӕ стыр профессионалон фӕлтӕрддзинад. "Уыдон бындур сæвæрдтой абон кусджыты ног фӕлтӕртӕ дарддӕр цы традицитӕ хӕссынц, уыдонæн. Арфӕ кӕнын, службӕ ӕнӕзӕрдӕхудтӕй чи кæны, уыдонӕн се 'ппӕтӕн дӕр, сӕ фӕразондзинад, сӕ лӕгдзинад ӕмӕ сӕ хӕсыл иузӕрдион кӕй сты, уый тыххӕй. Мӕ зӕрдӕ уын зӕгъы фидар ӕнӕниздзинад, фарн, сабыр радгӕстӕ ӕмӕ, хорздзинæдтæ"-, фæнысан кодта республикӕйы сӕргълӕууӕг.