Olışə xəlği nəğıl "Jəje iyən Həvuş"

Qılə hestbe, qıləy nıbe, çımı şinə, şəkə balon, qıle ağılmandə Jəje hestıbe. Jəje vey zəhmətkəş be. Ruji bo ıştə xıyzoni harde qırdə kardəbe. Qile həvuş omedə çe əy palu mandə, boəyo tıxlid kardə: -Jəje, tı hojo bə koş, bı qamə həvoədə ıstəni kışdəş, hiç dinci kardaniş, hənək kardəniş. Bə tı bəbolətim oməydə, az hejo hanəkədəm, kef kardəm, vitdəm bı tərəf, bə tərəf. Tı nekini vitey, hiç fər-fəri poyey zındanış. Çı həvuşi ın qəpon bə Jəje xoto qınedə, votdə:-Ağıl har şeysə bə nave Az isə , tıvostondə ko kardam, zımostondə dıştə xeyzoni hardem. Lazim bıbo, az de ağli bəsə tı bərk bəvitem. Həvuş bə Jəje bı sıxanon sıredə, sıredə, ğəş kardə: -Tı bəkəy, vite bəkey? -votdə. Jəje bə Həvuşi votdə: Bovı kardəniş, bıvitəmon. Həvuş bəştə peştipur bedə, vodedə: -Bivitəmon, əncəx boy mərc bıqətəmon, çəməndə ki bə dumu mande, bo ğalibi i ruj ko bakay. Həvuş de Jəje bə qəror omedən, təməku tağon arədə, ha kəs qıle qənovədə, de tosə qənovi oxoy bıvitin Ki iminə beşe bə sə, əv ğalib babe. Jəje votdə: -Çımı qıle şərtım heste, tı mıni çəş bıkə, az bışım bəkə, ıştə zu peqətım. Həvuş rozi bedə. Jəje şedə bə kə, moə Jəje vakardə, əhvolati bo əyo qəp jedə. Bə qəror omedən moə Jəje bişi təməki qənovi oxonə sədə bımando, Həvuş əyo rəsəydə, moə Jəje zikkə bijəno: -Az rəsəm! Jıqoən kardən. Moə Jəje şedə təməku qənovi sədə man- də. Niə Jəje çəndi bə çəndi omedə , bə Həvuşi vodedə:-Ha, az hozzom, dəşəmon hay bə qıle qənov, tosə se başmardamom. Bo vite bino kardən, Həvuş bə qənovi sə nırəsə moe Jəje zik- kə jedə: -Az rəsim. Həvuşi çəş bəçe kəllə beşedə, lovə kardə i kərən bivitəmon. Moə Jəje votdə:-Çok başmardəmon. İyən Hə- vuş vitdə, vitdə, bo qənovi ın sə nırəsə niə Jəje bərkədə votedə: -Az rəsim, az hənəkım barde. Tı bomonı i ruj ko bəkaş. Ha çımı şinə balon , ımi bıznənən, ağıl bıə kəs hojo vədə bedə. Ostmonədə se qilə sef eqini, qile çımı, qıle quş doə kəsi, qileyan çı ağıl bıə kəsi. Tolışə XƏLĞİ nəğıl Nəğıli qəp jedə: Şirəli Əlyar Animator: Elvin İsmailov