თამარ დარასელია - სი ვაპუნდე წყარ მალუს ✨ მარგალურ პოეზია

თამარ დარასელია "სი ვაპუნდე წყარ მალუს, ჟინ ცა კუჩხით აშ მალურს, დღაშ მურე დო სერს ვაბლურს, არზ ილენს დო არზ ვალუნს. ზღვა დო გვალაშ იქილე ფირქეფქ რინა მიკილეს, არძო კარი გომინჯეს ნამუთ ბედიქ მიკილეს. ნარჩა კუჩხის ეშირილს გურ მაფუ რინათ მეშირილ. წყარიშ ძალა მეჩამილ ბედის ვაფუქ გეჭარილ. სი ვაპუნდე წყარ მალუს, ოშ გვალას დო თიშ იშო, ვარა მუჭო ბჭარა დო ვარა ვორდა მით, მიშო?! სარკო ოფირქებელ მაფ სქანი რინათ მოჩამილ, ორაგადე ქოიწი დო ცხენ ცერს გერე მოჭკადილ. თუმასით ჩე ქომკათე გურიშ ჭუათ შკა ღალუს, მარა იშენ ჯგირი რექ, სი ვაპუნდე წყარ მალუს." მარგალურ პოეზია✨