Фыццагкурсонты бон сбæрæг кодтой Мæскуыйы Уæрæсейы Президенты цур Цæгат Ирыстоны Иудадзыгон

Фыццагкурсонты бон сбæрæг кодтой Мæскуыйы Уæрæсейы Президенты цур Цæгат Ирыстоны Иудадзыгон минæварады.Традицион мадзал бирæ азты скæнынц, цæмæй раздæры скъоладзаутæ университеты царды сæхи уæндондæрæй æнкъарой. Студентты ног фæлтæрæн арфæ ракодтой республикæйы æххæстбарджын минæвар Уæрæсейы Президенты цур Игорь Барсков, йæ фыццаг хæдивæг Дзасохты Тамерлан, Хуссар Ирыстоны Минæварады уынаффæгæнæг Уæрæсейы Денис ДОлгушев, Алайнаг епархийы сауджын Дзеранты Вячеслав æмæ ирон адæмы этикæ æмæ традициты комитеты разамонæг Æгайты Эрик. Студентты фæндаг кадимæ ацæуын, Ирыстоны хъæздыг бынтæ фæфылдæр кæнын, мадæлон æвзаг æмæ традицитæ бахъахъхъæнын - ахæм арфæ ракодтой студенттæн хистæртæ æмæ уазджытæ. Мадзалы кæронбæттæн фæсивæд аныхас кодтой хистæр разамонджытимæ æмæ се 'мгæрттимæ.