შოთა წურწუმია - მა მუთუნშენი ვაგონდურუქ ღორონთი
მა მუთუნშენი ვაგონდურუქ ღორონთი მა მუთუნშენი ვაგონდურუქ ღორონთი, არძო ნერვის გობქუნს ლერსიში ქოროთი. ერჩქინაშე ირი შარა-კარს გილაფრთი, სკანი სკვამი გურიში ნაღურჭულაში რჩქილათი... გემკოირთენი შურს ოსკუნი ეში ვებრდუქ, მიბირქნი თეში გილურქ დო ბჩერდუქ. ამდღანერშა ბრელი მუდგარენი იბჩით. კილეს ჭყანა, სინთელე დო ნიჭით, ონატრებელი ვამიჸოფირი ნამთინი, მუდგია ორთას ლერსიში ფერო ბქარგინი, ქოიჩქ მართალი ახიოლე გურსუნი, მა ბჭარი სი მუთ ალმოფურცქინი ჸუსუნი! ცადეს, მარა სინდისი გამინწყუ ჩირქის, ჩიჩიობათ ვაბლანდღუ არზი დო ფირქის! მაზაკვალიში ნაზუკოლას ვეპუნდი, სკანი ნაჩართას კურცხე თოლით გეპუნდი. მუთ ქომუჩინი, არძო ლუკა სუმო ბრთი, უონჯღორეთ ათე ბორჯიშა ქმობრთი. სი რექ გურიში გოლვაფირო ქმენდი, ჩქიმი შურიში ჭყიში, მანჯღვერუ დო იმენდი! მა მუთუნშენი ვაგონდურუქ ღორონთი, არძო ნერვის გობქუნს ლერსიში ქოროთი! შოთა წურწუმია https://youtu.be/vhAHruks50M
მა მუთუნშენი ვაგონდურუქ ღორონთი მა მუთუნშენი ვაგონდურუქ ღორონთი, არძო ნერვის გობქუნს ლერსიში ქოროთი. ერჩქინაშე ირი შარა-კარს გილაფრთი, სკანი სკვამი გურიში ნაღურჭულაში რჩქილათი... გემკოირთენი შურს ოსკუნი ეში ვებრდუქ, მიბირქნი თეში გილურქ დო ბჩერდუქ. ამდღანერშა ბრელი მუდგარენი იბჩით. კილეს ჭყანა, სინთელე დო ნიჭით, ონატრებელი ვამიჸოფირი ნამთინი, მუდგია ორთას ლერსიში ფერო ბქარგინი, ქოიჩქ მართალი ახიოლე გურსუნი, მა ბჭარი სი მუთ ალმოფურცქინი ჸუსუნი! ცადეს, მარა სინდისი გამინწყუ ჩირქის, ჩიჩიობათ ვაბლანდღუ არზი დო ფირქის! მაზაკვალიში ნაზუკოლას ვეპუნდი, სკანი ნაჩართას კურცხე თოლით გეპუნდი. მუთ ქომუჩინი, არძო ლუკა სუმო ბრთი, უონჯღორეთ ათე ბორჯიშა ქმობრთი. სი რექ გურიში გოლვაფირო ქმენდი, ჩქიმი შურიში ჭყიში, მანჯღვერუ დო იმენდი! მა მუთუნშენი ვაგონდურუქ ღორონთი, არძო ნერვის გობქუნს ლერსიში ქოროთი! შოთა წურწუმია https://youtu.be/vhAHruks50M