Абон Уæрæсейы бæрæг кæннц æфсæддон сгарæджы бон

5-æм ноябры æгас Уæрæсе дæр бæрæг кæны æфсæддон сгарæджы бон. Ацы бонты 58-æм æфсады сгарджыты дæлхайæдты къорд "Днепр"-ы æфсæддонтæ сæ размæ æвæрд хæстæ æххæст кæнынц Запорожьейы облæсты. Раиртасынц æмæ скуынæг кæнынц ныхмæлæууæджы диверсион къордтæ, æргом кæнынц Украинæйы æфсæддон тыхты 'хсæн бынæттæ æмæ кусынц знаджы фæсчъылдымы. Æнæпилотон тæхæн аппаратты оператортæ та æххуыс сты размæбырсджытæн, уавæрмæ сæ цæст дарынц уæлдæфæй, бæрæггæнæтæ дæттынц командыгæнджытæн, амонынц артиллерийæн, уыимæ цæвынц знаджы дронтæ. 42-æм гвардион мотоæхсæн дивизийы специалисттæ æххуыс сты Уæрæсейы тыхтæн Ореховæйы 'рдæм размæ цæуыны архайды. Зæгъын хъæуы уый, æмæ бæрæгбон Уæрæсейы Федерацийы нысангонд æрцыд 26 азы размæ. 1918-æм азы та Петрограды сарæзтой Æфсады уæнгты координацийæн Регистрацион управлени. Æмæ уый сси Уæрæсейы гæрзифтонг тыхты Генералон штабы Сгарæн упраленийы бындур.