Фәния апа ел да Сабантуйларын көтеп ала

Каташ-Каран авылында гомер итүче Сөләйманова Фәния Галиәхмәт кызы – сәүдә ветераны. Аңа 90 яшь тулды. - Мин Сабантуйларын бик яратам. Мин үзем шул вакытта туганмын. Иптәшем белән дә Сабан туенда очраштым. Аңа тормышка да Сабан туенда чыктым мин. Малайларым да шул Сабан туенда тормыш корды. Сабантуй көнендә беренче эш көнем булды минем. - Озак яшәр өчен, бик сабыр булырга кирәк. Күбрәк хәрәкәт кирәк. Хәрәкәттә – бәрәкәт, дигәннәр. Фәния апа актив тормыш белән яши, замана әбисе. “Ил-көн хәбәрләрен социаль челтәрләр аша күзәтеп бара, “Сарман” газетасын яратып укый, хәтта ВКонтакте үзенең шәхси бите дә бар”, - диде килене Миләүшә. - Еллар тыныч булсын. Балаларым, оныкларым – барысы да исән-сау булсыннар, исән-сау яшәсеннәр. #татмедиа #видеоистория #видеоклип