Moskva viloyatida ishchilar qurilayotgan binoning tomida ommaviy mushtlashuv uyushtirdi

24-iyun kuni «Sputnik» turar-joy majmuasi yaqinidagi uylar aholisi gladiatorlar jangiga guvoh bo‘lishdi: o‘nlab quruvchilar qurilayotgan binoning 9-qavatida ommaviy mushtlashuv uyushtirishdi. Ayrimlar janjallashayotgan tomonlarni murosaga keltirishga urinsa-da, ziddiyat mushtlashuvga aylangan. Voqea joyiga polisiya chaqirilgan. Dastlabki ma’lumotlarga ko‘ra, huquq-tartibot idoralari xodimlari mushtlashuvning sababchisi bo‘lgan sakkiz nafar ishtirokchini qo‘lga oldi. Ular 15 sutkagacha qamalishi mumkin. Mushtlashuvda jarohat olgan olti kishi kasalxonaga yotqizilgan, shifokorlarning fikricha, ularning jarohati yengil. Qurilish tashkiloti ichki tergov boshlagan va urishqoq xodimlarni ishdan bo‘shatishga, shuningdek, ob’yektda xavfsizlikni kuchaytirishga va’da bergan. Telegram 👉 https://t.me/migrantuz (@migrantuz) TikTok 👉 https://www.tiktok.com/@migrantuzb Instagram 👉 https://www.instagram.com/migrantuzb (@migrantuzb) YouTube 👉 https://www.youtube.com/@migrantuzb Facebook 👉 https://fb.com/migrantuz ВКонтакте 👉 https://vk.com/migrantuz Rasmiy veb-sayt: https://www.migrant.uz #патент #регистрация #migrant #migrantuz