Раббысыннан куркып түгелгән бер тамчы яшь – Җәһәннәм утын сүндерергә сәләтле

Пәйгамбәребез Мөхәммәд Мостафа (с.г.в.) әйткән: «Өч кеше иблистән һәм аның гаскәреннән котылачак: тәүлек буена Аллаһыга зикер әйтүчеләр, төннең икенче яртысында Аллаһтан куркып елаучылар һәм кылган гөнаһлары өчен чын күңелдән тәүбә итүчеләр» , – диелә. Әгәр без төннең икенче яртысында тәһәҗҗүд намазында Аллаһка кул күтәреп, елап сорыйбыз икән – ул, иншә Аллаһ, безне шайтанның явызлыгыннан саклаячак. 🤲 Раббысыннан куркып түгелгән бер тамчы яшь – Җәһәннәм утын сүндерергә сәләтле.