Хоойлу Тыва канал. Право ПНВ земельного участка

Хоойлуда ол салгаар эдилел эргези чүгле черге хамаарыштыр көрдүнген. Бадыткаттынар документизи херечилел азы доктаал. Черни эдилээр салгал дамчыыр эргениң ээзи чүгле: ✔️ол черни салгалынга дамчыдып артырып болур; ✔️ол черге тудуг тудуп болур; ✔️ол черде турар тудугну бодунуң хуу эргезинче киирип ап болур; ✔️ол черни бодунуң хуу эргезинче шилчидип ап болур. Черни назынында эдилээр салгал дамчыыр эргени соксадыр үш чылдагаан бар: ✔️хуу эргеже шилчий бээрге; ✔️эки туразы-биле ол эргеден ойталаан болза; ✔️черни шын эвес ажыглаан дээш, албан черлериниң албадал-биле административтиг хемчээли-биле. ❕Эдилээр салгал дамчыыр эргеде черни хоойлу езугаар документилерин кылыры- ону күрүнениң хуу эргезинден хамаатының хуу эргезинче дамчыдып бээри болур. Ындыг эргени албадал-биле соксадырын чүгле суд шиитпирлээр. ❕Эрге-хоойлу талазынче билиивисти бистиң-биле бедидээл! 📍Юридиктиг канал «Хоойлу» билиглерин бедидеринче, бурунгаар көрүштү болгаш тыва дылды нептередип сайзырадырынче угланган. Бистиң үзел-бодалывыска катчып, каналче кирип бижиттирип алырынче чаладывыс @khooilu Подписывайтесь на наш канал в: ВК https://vk.ru/khooilu Макс https://max.ru/khooilu ТГ https://t.me/khooilu ИГ https://www.instagram.com/khooilu_tyva