Талкы 13. Муха – өстөөх дроннарын бултаһааччы

Владимир Степанов “Талкы” биэриитигэр Ийэ дойдутун көмүскэлигэр олоҕун толук биэрбит, өстөөх дроннарын утары охсуһууга идэтийбит, Горнай улууһуттан төрүттээх саха мындыр, хорсун уола Евгений Исаков-Муха инники кирбии туһунан кырдьыктаах кэпсээнин истиҥ. Былырыын алтынньыга “Кыым” хаһыакка Муха автоматынан оччолорго 9 саамай кутталлаах, түүн буомбалыыр “дьэгэ-бааба” дрону суулларбытын туһунан бэчээттэммитэ. Ааҕааччылар ордук кини сахалыы кустуур курдук бултаһар ньыматын кэрэхсээбиттэрэ. Кини кэпсээнэ өстөөҕү кыайыыга, уолаттарбыт олохторун быыһыырга, киһи олоҕо мүнүүтэнэн, сөкүүндэнэн быһаарыллар сиригэр көдьүүстээх көмөнү түргэнник тиэрдэргэ туһа буолуо диэн эрэнэбит.