Цӕгат Ирыстоны ӕххӕст кӕнынц профориентацион проект

Скъоладзаутӕн баххуыс кӕнын сӕ фидӕны дӕсныйад равзарынæн ӕмӕ сын карьерӕ скæныны гæнæнтæ равдисын. Уый у профориентацион проект "Фӕстӕмӕ фидӕнмӕ"-йы сӕйраг хӕс. Ӕрыгон специалисттӕ фӕсивӕдӕн дих кӕнынц сӕ фӕлтӕрддзинадæй, дзурынц сын, сӕ райгуырӕн республикӕйы æнтыстджын уæвын ӕмӕ кусын куыд хъӕуы, уый. Цæгат Ирыстоны программæйы регионалон оператор у профессионалон цӕттӕдзинады центр.