Бухорода қийноқлар ҳақидаги хабаримиз юзасидан текширув бошланди

Ижтимоий тармоқларда Бухоро вилоятидаги 4-сон Тергов ҳибсхонасида сақланаётган шахсга нисбатан қийноқ қўлланилгани ҳақида тарқалган маълумотлар юзасидан ваколатли органлар томонидан ўрганиш ишлари олиб борилмоқда. Маълум қилинишича, ҳолат бўйича 4-сон Тергов ҳибсхонасининг айрим ходимларига нисбатан терговга қадар текширув ҳаракатлари бошланган. Ҳозирда барча ҳолатларга ҳуқуқий баҳо бериш мақсадида тегишли процессуал тадбирлар давом этмоқда.